Европски филмски ден за млада публика

Европски филмски ден за млада публика2018-10-10T13:23:15+00:00

Наградата од млада публика (EFA Young Audience Award)

Република Македонија, Градот Скопје и 100 млади од нашата земја по вторпат ќе бидат дел од европското семејство на пан-европскиот настан – Наградата од млада публика (EFA Young Audience Award), кој е посветен за младите љубители на филмот, во организација на Европската филмска академија (EFA).

Еднодневниот настан е во организација на Агенцијата за филм на Република Македонија и ќе се одржи во Кинотеката на Република Македонија во недела 8 Мај 2016 година.

На овој настан младите од нашата земја заедно со младите од 29 градови од 27 европски земји ќе одлучуваат за доделување на наградата за најдобар европски филм во оваа категорија а гласовите од секој град – учесник се доставуваат преку видео конференција до Ерфурт, Германија, седиштето на церемонијата за доделување на наградата.

За соопштувањето на резултатите од гласањето во Македонија веќе се избрани и презентери кои преку видео клип ќе ги соопштат резултатите од гласањето во Скопје, тоа се: 14-годишната  Синадиновска Софија од ОУ „Коле Неделковски“ и 14-годишниот Поповски Дамјан од ОУ „Војдан Чернодрински“.

Гласовите од сите млади учесници ќе го прогласат победникот на церемонија која ќе се оддржи истиот ден во Ерфурт, Германија со почеток во 20:00 часот и истата ќе се пренесува на интернет канал.

Освен градот Скопје, дел од настанот се  и следниве градови учесници:

Австрија/ Виена                                  Италија/ Фиренца                        Романија/ Клуж Напока

Белгија/ Брисел                                  Косово/ Призрен                          Србија/ Белград

Бугарија/ Софија                                Летонија/ Рига                                  Словачка/ Братислава

Хрватска/ Загреб                                Луксембург/ Луксембург              Словенија/ Изола

Данска/ Алборг                                   Малта/ Сент Џулијан                     Шпанија/ Авилес & Барселона

Германија/ Берлин & Ерфурт      Холандија/ Амстердам                   Турција/ Истанбул

Грција/ Атина                                      Норвешка/ Тромсе                           Велика Британија/ Лондон

Унгарија/ Будимпешта                   Полска/ Вроцлав                              Украина/ Киев

Израел/ Тел авив                               Португалија/ Лисабон

Подетални информации за настанот на www.yaa.europeanfilmawards.eu

                                                                   НОМИНИРАНИ ФИЛМОВИ

ИЗГУБЕНИ ДЕВОЈКИ                                                   ГОСПОЃИЦА НЕВОЗМОЖНА

ШВЕДСКА/ ФИНСКА                                                                             ФРАНЦИЈА

                                              

                                   РАУФ

ТУРЦИЈА

Градот Скопје за прв пат годинава се приклучува кон европското семејство на  градови кои ќе учествуваат во доделувањето на Наградата од млада публика (EFA Young Audience Award) наменета за младите љубители на филмот а во организација на Европската филмска академија (EFA).
Наградата ќе биде доделена на церемонија која ќе се одвива на 3  мај, 2015 година во рамки на манифестацијата „Филмски ден на млада публика“.

Три номинирани филмови од страна на ЕФА паралелно ќе бидат прикажани  во 25 европски градови пред жири составено од деца на возраст од 12-14 години, кои потоа го избираат својот фаворит, а гласовите од секој град – учесник се доставуваат преку видео конференција до Ерфурт, Германија, седиштето на церемонијата за доделување на наградата.

Доделувањето на Наградата ќе се пренесува во живо на интернет.
Настанот ќе се одвива во киното Синеплекс со учество од 106 млади на возраст од 12-14 години.

Програмата и активностите во Скопје се во организација на Агенцијата за филм на Р. Македонија во соработка со Giffoni Experience – Италија и „Џифони Македонија“. За успешна реализација на настанот  ќе се погрижат спонзорите Чупа Чупс, Капри, Јана вода, Лотус. киното Синеплекс и Трговскиот центар Сити мол.

Освен градот Скопје, оваа иницијатива годинава ги вклучува и следниве градови учесници:

Алборг/Данска                             Ерфурт/Германија                         Софија/Бугарија
Амстердам/Холандија              Истанбул/Турција                          Талин/Естонија
Атина/Грција                                Изола/Словенија                             Тбилиси/Грузија
Барселона/Шпанија                  Киев/Украина                                   Тел Авив/Израел
Белград/Србија                            Лондон/Велика Британија           Торино/Италија
Братислава/Словачка               Малме/ Шведска                             Валета/Малта
Будимпешта/Унгарија              Призрен/Косово                             Вроцлав/Полска
Клуж-Напока/ Романија          Рига/Летонија                                   Загреб/Хрватска

Подетални информации за настанот на www.yaa.europeanfilmawards.eu

                                                                         НОМИНИРАНИ ФИЛМОВИ

МОЈАТА СЛАБИЧКА СЕСТРА                                      НЕВИДЛИВОТО МОМЧЕ

ШВЕДСКА/ГЕРМАНИЈА                                                                     ИТАЛИЈА

       

    НЕ СИ НЕКОЈ УБАВЕЦ

ИРСКА