СООПШТЕНИЕ ЗА ЈАВНОСТ
ОСНОВЦИТЕ ОД МАКЕДОНИЈА НА ВОЗРАСТ ОД 12 ДО 14 ГОДИНИ, МОЖАТ ДА БИДАТ ДЕЛ ОД МЛАДОТО ЕВРОПСКО ЖИРИ И ДА ИЗБЕРАТ НАЈДОБАР ЕВРОПСКИ ФИЛМ ЗА МЛАДА ПУБЛИКА
И оваа година, по седми пат, Р. Северна Македонија учествува во оганизацијата на „Филмскиот ден на млада публика“. Младите од нашата земја, кои се на возраст од 12 до 14 години и се љубители на филмот имаат можност да бидат дел од меѓународното жири и сите заедно да изберат најдобар филм за млада публика. Сè што треба е да се пријават преку формуларот https://forms.gle/VGg658RtXDMEAoqS7, да ги погледнат трите номинирани филмови и да гласаат за нивниот фаворит. Трите номинирани филмови се:
1.“PINOCCHIO”, на Матео Гароне (италијанско- француско – британска копродукција) 2019
2.“THE CROSSING (FLUKTEN OVER GRENSEN)” на Јохане Хелгеланд (норвешка продукција) 2020
3.“WOLFWALKERS”, на Том Мур и Рос Стјуарт (ирско – луксембуршка – француска копродукција), 2020
Во настанот учествуваат 38 земји ширум Европа а наградата за најдобар филм за млада публика ќе се додели на 25. април.
