ОТВОРЕН ПОВИК ЗА ДОСТАВА НА ПРИЈАВА ЗА УЧЕСТВО ВО ПРОГРАМАТА SHOOTING STARS 2021

Ве информираме дека European Film Promotion (EFP) го отвори повикот за аплицирање за следното издание на програмата Shooting Stars која ќе се реализира во рамките на Берлинскиот филмски фестивал во февруари 2021 година. Целта на оваа програма е претставување на актерски таленти пред пошироката кинематографска јавност.

Според условите за аплицирање во EFP, повикот е отворен за актери/ки не помлади од 16 години, а не постари од 45 кои веќе имаат успешна кариера во матичната земја и кои имале главна улога во домашен или странски филм кој бил јавно прикажан после март 2020 година или во филм кој во моментот е во реализација и ќе биде јавно прикажан во текот на 2021 година.

Помеѓу останатите услови потребно е и одлично познавање на англискиот јазик, спремност за работа во меѓународна средина и подготвеност на кандидатот да соработува во сите прес и промотивни активности за време на задолжителното присуство во Берлин помеѓу 11-17 февруари 2021 година.

Формуларот за апликација (црвениот збор да се линкува со документот Material request for nomination -во прилог) заедно со прилозите потребни за пријава потребно е да се достават до 2. ноември 2020 година на:  arhiva@filmagency.gov.mk и anita.stojcheska@filmagency.gov.mk .

Секоја земја, преку институцијата-членка во European Film Promotion, има право да номинира еден кандидат за учество во програмата. Од сите номирани кандидати од земјите членки, како учесници во програмата од страна на меѓународно жири, ќе бидат селектирани максимум десет актери/ки – Shooting Stars 2021.

За повеќе информации можете да се обратите до Агенцијата како и да ја посетите страницата:

https://www.efp-online.com/en/project_talent_promotion/shooting_stars.php